UTAFITI: SUMU ZA KUULIA WADUDU MASHAMBANI ZINASABABISHA UGONJWA WA UNYOGOVU (DEPRESSION)

Utafiti uliofanywa nchini Ufaransa na timu ya wataalamu kutoka chuo kikuu cha Havard kitivo cha afya ya jamii ikiongozwa na Dr. Marc G. Wesskopf kutoka idara ya Afya ya Mazingira chuoni hapo, umeonesha kwamba sumu za kuulia wadudu mashambani (pesticides) zilizotengenezwa kwa kemikali za sumu zinazojulikana kwa kitaalamu kama Organophosphate,  zinazoweza kuathiri mfumo wa fahamu na kusababisha matatizo ya kiafya ya unyogovu (depression).

Utafiti huo ulifanywa kwa kufuatilia historia ya wakulima walioajiliwa kati ya mwaka 1998-2000 huko Ufaransa. Ambapo kati ya wakulima 567 wenye umri wa miaka 37-78, wakulima 83 (14.6%) walilipotiwa kutibiwa ugonjwa wa unyogovu.

Akiongea na shirika la habari la Reuter, Dr. Wesskopf alisema kwamba wakulima ambao wanatumia sumu za kuulia wadudu kwa muda mrefu bila vifaa kinga (long exposure) wako hatarini kupata matatizo ya unyogovu kuliko wale waliotumia kwa muda mfupi, pia wale wanaopata dozi kubwa ya organophosphate wako hatarini zaidi ya wale wanaopata dozi kidogo (dose-response relationship).

pamoja na matokeo hayo lakini utafiti huo umekosolewa na Mtafiti wa chuo kikuu cha jimbo la Colorado kuwa haukuangalia uwezekano wa kwamba wakulima wanaotumia sumu hizo wanaweza kupata madhara mengine ya kiafya ambayo yataathiri utendaji wao wa kazi na hivyo kuwa katika hali ambayo itawapelekea kupata Unyogovu (depression).

kusoma utafiti huo bofya HAPA