WATAFITI WAGUNDUA VIASHIRIA VINGINE VYA TB

Watafiti kutoka chuo kikuu cha Southampton, Britain wamegungua njia mpya ya kuwagundua haraka (screening) watu wenye maambukizi ya TB (Tuberculosis) ili kuwapatia tiba na kuepusha maambukizi yasiendelee kwa watu wengine. Njia iliyogunduliwa ni kutathimini ongezeko la protini zinazotolewa na mapafu baada ya kuathirika.

Watafiti hao wamezitaja protini hizo kuwa ni Collagen na Elastin ambazo ndizo protini kuu zinazopatikana kwenye mapafu na kusema kwamba mtu anapoambukizwa TB protini hizo huongezeka kwenye damu na kwenye makohozi hivyo iwapo sampuri ya damu au makohozi itakapochukuliwa itaonyesha ongezeko hilo na kusaidia sana katika shughuli za kuwatambua walioathirika na TB (screening), maendeleo ya kiuchunguzi na tiba dhidi ya TB.

“hii itasaidia kwenye uchunguzi wa watu wengi (screening) ili kuwapata na kuwatibia wale walioathiriwa zaidi na kukata cheni ya maambukizi mapya, hii itasaidia sana mataifa yanayoendelea ambapo ugonjwa wa TB umekuwa ni tatizo”. Alisema kiongozi wa utafiti huo Bw. Paul Elkington.

Bakteria wa TB huathiri Mapafu kwa kiasi kikubwa na kusababisha maambukizi kwa watu wengine kwa njia ya hewa, iwapo mgonjwa hata pata matibabu kwa wakati anaweza kupoteza Maisha. Kwa mujibu wa WHO, Zaidi ya vifo milioni moja na nusu vinavyosababishwa na TB hutokea kila mwaka.

Matokeo ya utafiti huu yamechapishwa kwenye Jarida la TheJournal of Infectious Diseases.