UGONJWA WA POLIO ULIOLIPUKA KENYA WASAMBAA KWA KASI NCHI ZA JIRANI

Mlipuko wa ugonjwa wa Polio ambao uligundulika kwenye kambi ya wakimbizi ya Dadaab nchini Kenya mwezi Mei mwaka huu, umeripotiwa kusambaa kona zote za nchi ya Somalia.

Wizara ya Afya nchini Somalia imethibitisha kuwepo kwa maambukizi mapya 94 ya ugonjwa wa Polio Kusini na Kati ya Somalia na pia kumekuwa hakuna Dalili zozote za kupunguza maambukizi mapya nchini humo.  

Maambukizi mapya yameripotiwa na Shirika la habari la VoA kutokea karibu na mpaka wa Ethiopia na kuifanya nchi hiyo na nchi zinazopakana na Somalia ziwepo hatarini kupata maambukizi mapya ya ugonjwa huo.

Hapo mwanzo ugonjwa huu ulikuwa umetokomezwa duniani kote kabla ya maambuzi mapya ambayo yameripotiwa hivi karibuni kutokea kwenye nchi tatu: Afghanistani, Pakistan na Nigeria.

Polio ni ugonjwa unaoambukizwa na kirusi ambacho hushambulia Mfumo wa fahamu (nervous system) na kusababisha mtu kupooza misuli na kuwa Mlemavu wa viungo, iwapo kirusi kitashambulia misuli ya kifua kinaweza kusababisha KIFO. Kirusi hiki husambazwa kutoka kwa mgonjwa wa polio kwenda kwa mtu mwingine kupitia kinyesi cha mtu aliyeathirika.

Ugonjwa huu hauna tiba bali hukingwa kwa Chanyo ya polio, hivyo inashauriwa watoto wote wanaozaliwa wapate Chanjo ya kujikinga na ugonjwa huu hatari. Pia kila mtu anashauriwa kujisaidia chuoni ili kuepusha kusambaa kwa vinyesi (MAVI) vilivyosheheni virusi vya polio kwenye mazingira ambavyo vinaweza kuwa hatari kwa watoto wanaotambaa, watu wanaokula udongo, watu wanaokunywa maji yanayotoka kwenye chanzo kilichochafuliwa n.k.