UTAFITI: KAKAO (COCOA) HUBORESHA AFYA YA UBONGO KWA WAZEE

Wazee wenye matatizo ya mzunguko hafifu wa damu kwenye ubongo wamejikuta katika furaha kubwa baada ya kupona matatizo yao. Uponyaji huo umetokea baada ya utafiti mpya kubaini tiba dhidi ya matatizo hayo kwa wazee ikiwa ni pamoja na kunywa vikombe viwili tu vya kakao (cocoa) kila siku kwa muda wa mwezi mmoja.

Awali utafiti uliofanyika miaka ya nyuma na kuchapichwa kwenye makala za Neurolojia ulionyesha kwamba ubongo hufanya kazi yake vyema ikiwa kuna mzunguko mzuri wa oxygen na sukari kwenye damu, hivyo matatizo ya mzunguko hafifu wa damu kwenye ubongo baina ya wazee yanasababisha uhaba wa oxygen na sukari kwenye ubongo, ubongo unaposhindwa kufanya kazi yake vyema husababisha matatizo mengi ikiwa ni pamoja na tabia ya kupoteza kumbukumbu.

Matokeo ya utafiti uliyofanywa hivi karibuni yameonyesha kwamba kakao ina uwezo wa kuboresha mzunguko wa damu kwa watu wenye mzunguko mdogo wa damu hasa hasa wazee, wazee waliojumuishwa kwenye utafiti huo wameonekana kuimarika uwezo wao wa kufikiri na kukumbuka hali inayoashiria kakao kuongeza mzunguko bora wa damu kwenye ubongo. Pamoja na mafanikio hayo lakini utafiti huu umebaini kwamba watu ambao tayari wana mzunguko mzuri wa damu hawawezi kuboresha uwezo wao wa kufikiria na kukumbuka kwa matumizi ya kakao.

Wakiongea na vyombo vya habari, watafiti wa utafiti huu ambao ulijumuisha wazee 60 wenye wastani wa umri wa miaka 73, walihitimisha kwamba hata kakao yenye kiasi kidogo sana cha flavanols (kemikali inayopatikana kwenye miti ya kakao) inaweza kuleta mabadiliko makubwa kwa watu wenye matatizo ya mzunguko hafifu wa damu na kuonya kwamba watu wasikimbilie kwenye chocolate za cocoa wakidhani kwamba itakuwa mbadala tosha wa kakao (cocoa).

Kusoma zaidi BOFYA HAPA