UTAFITI: SUMU ZA KUULIA MBU HAZIWEZI KUONESHA MATOKEO MAZURI KWA BAADHI YA MAENEO NCHINI

Matokeo ya utafiti uliofanywa na Jopo la watafiti hapa nchini kwenye wilaya 12 za Tanzania na kuchapishwa kwenye jarida la Tanzania Journal of Heath Research umeonesha kwamba kuna baadhi ya maeneo hapa nchini ambayo mbu wake wanaweza kupingana na nguvu za sumu za kuulia wadudu na hivyo kushusha uwezekano wa mbu hao kufa kwa sumu hizo.

Utafiti huo yameonesha kwamba aina ya mbu maarufu kwa kubeba vimelea vya maralia hapa Tanzania, Anopheles gambiae huathiriwa kwa kiasi kikubwa na sumu aina ya permethrin, deltamethrin, lambdacyhalothrin na DDT, maeneo mengi kwenye utafiti huu yalionesha uwezekano wa mbu hawa kufa kwa sumu hizi ni asilimia 98-100%.

Pamoja na matokeo hayo, kuna baadhi ya maeneo hapa Tanzania ambayo yalionesha upinzani kwa Sumu hizo za kuulia wadudu na kushusha uwezekano wa kufa kwa mbu hao hadi kufikia asilimia 80-97; mbu wa Ilala walionesha upinzani kwa sumu ya DDT na kushusha uwezekano wa kufa kwa sumu hiyo hadi kufikia asilimia 65, mbu wa Moshi walionesha upinzani kwa sumu ya lambdacyhalothrin na permethrin na kushushwa uwezekano wa kufa hadi kufikia asilimia 73 kwa lambdacyhalothrin na asilimia 77 kwa permethrin.

“kila baada ya muda fulani vipimo vinapaswa kuchukuliwa (monitoring) kwa maeneo yote nchini ili kubaini uwezo wa mbu kuathiriwa (susceptibility status) na sumu kabla ya kuamua kuzitumia”. Ilishauri moja ya sehemu ya utafiti huo.

Kusoma zaidi BOFYA HAPA