RIPOTI: VIFO VINAVYOTOKANA NA UKIMWI VYAPUNGUA KWA KASI AFRIKA

Shirika la Umoja wa Mataifa linalojishughulisha na magonjwa ya UKIMWI limetoa ripoti ya kile kinachoelezwa kuwa ni hatua kubwa katika kupambana na magonjwa ya maambukizi ukanda wa mashariki na kusini mwa bara la Afrika. Ripoti hiyo imeonesha kupungua kwa kiasi kikubwa cha vifo vinavyotokana na ugonjwa wa UKIMWI, ripoti hiyo pia imeonesha kupungua kwa maambukizi mapya ya UKIMWI lakini imeonya kwamba changamoto za kupambana na Ugonjwa huo hatari bado zinawakabili.

Vyombo vya juu vya afya duniani vimeisifu hatua hiyo kubwa ya kupambana na UKIMWI ukanda wa mashariki na kusini mwa Afrika, Vifo vinavyotokana na UKIMWI vimeshuka kwa  asilimia 40 tokea mwaka 2005, na maambukizi mapya ya UKIMWI kwa watoto yameshuka kwa asilimia 50 tangu mwaka 2001.

Sababu kuu ya kushuka kwa Vifo hivyo ni kuongezeka kwa watu wanaotumia Dawa za kupunguza makali ya Virusi vya UKIMWI (ARV), kutoka watu 625,000 mnamo mwaka 2005 hadi kufikia watu milioni 6.3 mwaka 2012.

Kusoma zaidi BOFYA HAPA